அபிராமி பட்டர் அருளிய அபிராமி அந்தாதி என்பது அன்னை அபிராமியைப் போற்றி அபிராமி பட்டர் பாடிய 100 பாடல்களைக் கொண்ட பக்தி இலக்கியமாகும்.
எண்பத்திரண்டாம் பாடல்
அளியார் கமலத்தில் ஆரணங்கே! அகிலாண்டமும் நின்
ஒளியாக நின்ற ஒளிர்திருமேனியை உள்ளுதொறும்
களியாகி, அந்தக்கரணங்கள் விம்மி, கரைபுரண்டு,
வெளியாய்விடின், எங்ஙனே மறப்பேன் நின்விரகினையேன்.
பொருள்
வண்டுகள் மொய்க்கும் தாமரை மலரில் வீற்றிருக்கும் தேவியே! எல்லா உலகங்களிலும் ஒளியாகப் பரவி நிற்கும் உன் அழகிய திருமேனியை நான் தரிசித்து தியானிக்கும் ஒவ்வொரு முறையும், என் மனமும் உடலும் அளவற்ற ஆனந்தத்தால் நிறைந்து பூரிக்கின்றன. அப்போது நான் உலகப் பற்றுகளையும், தத்துவங்களின் எல்லைகளையும் கடந்து, பரந்த வெளியில் ஒன்றிப்போகிறேன். இத்தகைய அற்புதமான ஆன்மிக வழியை நீ எனக்கு அருளியிருக்கும்போது, அதை நான் எப்படி ஒருபோதும் மறக்க முடியும்?