ஆடிக்கிருத்திகை விரதம்: முருகப் பெருமானை இப்படி வழிபட்டால் கிடைக்கும் அற்புத பலன்கள்!
முருகப் பெருமானை வழிபடுவதற்கு நாள், திதி, நட்சத்திரம் என மூன்று வகையான வழிபாடுகள் மிகவும் சிறப்புடையதாகக் கருதப்படுகின்றன. நாள்களில் செவ்வாய்க்கிழமை முருகனுக்கு உகந்தது. திதிகளில் சஷ்டி முக்கியமானது. வளர்பிறை அல்லது தேய்பிறை என எதுவாக இருந்தாலும், சஷ்டி திதியில் முருகப்பெருமானை வழிபடுவது சிறப்பான பலன்களைத் தரும் என்பது நம்பிக்கை.
அதேபோல் நட்சத்திரங்களில் முருகப்பெருமானின் அவதார நட்சத்திரமாக விசாகம் போற்றப்படுகிறது. வைகாசி மாதத்தில் வரும் விசாக நட்சத்திரம் மிகவும் விமரிசையாகக் கொண்டாடப்படுகிறது. இருப்பினும் முருக வழிபாட்டில் கிருத்திகை நட்சத்திரத்திற்கும் தனிச்சிறப்பு உண்டு.
மாதந்தோறும் கிருத்திகை விரதம்
ஒவ்வொரு மாதமும் கிருத்திகை நட்சத்திரத்தன்று விரதம் இருந்து முருகப்பெருமானை வழிபட்டால் தீராத வினைகள் தீரும் என்பது ஐதிகம். அதிலும் ஆடி மாதத்தில் வரும் கிருத்திகை நட்சத்திரம் மிகவும் விசேஷமானதாகக் கருதப்படுகிறது.
ஆடிக்கிருத்திகை நாளில் விரதம் இருந்து முருகப்பெருமானை வழிபடுவதால், ஆண்டு முழுவதும் கிருத்திகை விரதம் இருந்து வழிபட்ட பலன் கிடைக்கும் என்றும், தொடர்ந்து 12 ஆண்டுகள் இந்த வழிபாட்டை மேற்கொண்டு வந்தால் முருகப்பெருமானின் அருளும் தரிசனமும் கிடைக்கும் என்றும் பக்தர்கள் நம்புகின்றனர்.
விரதம் என்றால் உணவைத் தவிர்ப்பது மட்டுமல்ல!
பொதுவாக விரதம் என்றால் நாள் முழுவதும் உணவு உண்ணாமல் இருப்பது என்று பலரும் நினைக்கின்றனர். ஆனால் விரதத்தின் உண்மையான நோக்கம் இறைவனை மனதில் நிறுத்தி, அவருடைய திருநாமத்தை நினைத்து வழிபடுவதுமாகும்.
ஆடிக்கிருத்திகை நாளில் நாள் முழுவதும் முருகப்பெருமானை நினைத்து, அவருக்குரிய மந்திரங்கள், தோத்திரங்கள் மற்றும் நாமஜபங்களைச் செய்வது சிறப்பானதாகக் கருதப்படுகிறது. குறிப்பாக திருப்புகழ், வேல்மாறல், கந்த சஷ்டி கவசம் போன்றவற்றைப் பாராயணம் செய்து வழிபடலாம்.
உண்ணா நோன்பு இருக்க இயலாதவர்கள்கூட முருகப்பெருமானின் நாமத்தை ஜபித்தும், தோத்திரங்களைப் பாராயணம் செய்தும் வழிபடலாம். பக்தியுடன் செய்யப்படும் இந்த வழிபாடும் சிறப்பானதாகக் கருதப்படுகிறது.
கிருத்திகை நட்சத்திரத்தின் சிறப்பு
கிருத்திகை நட்சத்திரம் சூரிய பகவானின் ஆளுகைக்கு உரிய நட்சத்திரமாகக் கருதப்படுகிறது. எனவே கிருத்திகை நட்சத்திர நாளில் முருகப்பெருமானை வழிபடுவதன் மூலம் சூரிய பகவானின் அருளையும் பெறலாம் என்பது நம்பிக்கை.
சூரிய பகவான் ஆத்ம காரகனாகக் குறிப்பிடப்படுவதால், உடல் மற்றும் உள்ளம் நலமுடன் இருக்க கிருத்திகை விரத வழிபாடு உதவும் என்றும் பக்தர்கள் நம்புகின்றனர்.
நவகிரகங்களில் செவ்வாய் பகவானுக்குரிய தெய்வமாக முருகப்பெருமான் போற்றப்படுகிறார். இதனால் கிருத்திகை நட்சத்திர நாளில் முருகனை வழிபட்டால் உடல்நலம், திருமண யோகம், தொழில் மற்றும் வாழ்க்கை முன்னேற்றம் போன்ற பல்வேறு நன்மைகள் கிடைக்கும் என்பது ஐதிகம்.
ஆடிக்கிருத்திகையில் ஆலய தரிசனம்
ஆடிக்கிருத்திகை நாளில் முருகப்பெருமானின் ஆலயங்கள் பக்தர்களால் நிறைந்து காணப்படும். பல்வேறு ஆலயங்களில் பால்குடம், காவடி உள்ளிட்ட நேர்த்திக்கடன்களை பக்தர்கள் செலுத்தி முருகப்பெருமானை வழிபடுவார்கள்.
எனவே இந்த புனித நாளில் அருகிலுள்ள முருகன் ஆலயத்திற்குச் சென்று தரிசனம் செய்வது மிகவும் சிறப்பானதாகக் கருதப்படுகிறது.
காலையில் எழுந்து நீராடி, முருகப்பெருமானை மனதில் நிறுத்தி வழிபாட்டைத் தொடங்கலாம். உடல்நிலை மற்றும் வயதுக்கு ஏற்ப விரதத்தை மேற்கொள்ளலாம். முழுமையாக உண்ணாமல் இருக்க இயலாதவர்கள் ஒருவேளை உணவு எடுத்துக்கொண்டு, நாள் முழுவதும் முருகப்பெருமானை நினைத்து வழிபடலாம்.
குழந்தைகள், முதியவர்கள் மற்றும் கர்ப்பிணிகள் உள்ளிட்டோர் தங்களுடைய உடல்நிலைக்கு ஏற்ப உணவு எடுத்துக்கொண்டு வழிபடுவது அவசியம்.
வீட்டிலேயே செய்யக்கூடிய ஆடிக்கிருத்திகை வழிபாடு
வீட்டில் முருகப்பெருமானை வழிபட விரும்புபவர்கள், முருகப்பெருமானின் படம் அல்லது விக்கிரகத்திற்கு மலர் மாலை அணிவித்து பூஜை செய்யலாம்.
அப்போது முருகப்பெருமானுக்குரிய சடாட்சர மந்திரமான “சரவணபவ” என்ற மந்திரத்தை பக்தியுடன் ஜபிக்கலாம்.
அர்ச்சனைக்கு உகந்த மலர்கள்:
மல்லிகை, சிவப்பு நிற மலர்கள், தாமரை உள்ளிட்ட மலர்களைச் சமர்ப்பிக்கலாம்.
நிவேதனம்:
வீட்டில் சமைக்கப்படும் உணவையே நிவேதனமாகப் படைக்கலாம். அவல் பாயசம் செய்து முருகப்பெருமானுக்கு நிவேதனம் செய்வதும் சிறப்பாகக் கருதப்படுகிறது.
ஆடிக்கிருத்திகை 2026 – ஆகஸ்ட் 6 அல்லது 7?
இந்த ஆண்டு ஆடிக்கிருத்திகை எப்போது என்ற கேள்வி பலரிடமும் உள்ளது. சில நாள்காட்டிகளில் ஆகஸ்ட் 6-ம் தேதி ஆடிக்கிருத்திகை என்று குறிப்பிடப்பட்டுள்ள நிலையில், சில இடங்களில் ஆகஸ்ட் 7-ம் தேதி ஆடிக்கிருத்திகை எனக் குறிப்பிடப்பட்டுள்ளது. இதனால் பக்தர்களிடையே குழப்பம் ஏற்பட்டுள்ளது.
பஞ்சாங்கக் கணக்கின்படி, ஆகஸ்ட் 6-ம் தேதி மாலை 6.19 மணிக்கு கிருத்திகை நட்சத்திரம் தொடங்கி, ஆகஸ்ட் 7-ம் தேதி மாலை 4.15 மணி வரை நீடிக்கிறது. எனவே இந்தக் காலகட்டத்தில் கிருத்திகை நட்சத்திரம் இருப்பதால், இரண்டு தினங்களிலும் வழிபாடு மேற்கொள்ளும் வாய்ப்பு உள்ளது.
குறிப்பாக ஆகஸ்ட் 7-ம் தேதி ஆடி வெள்ளிக்கிழமையாகவும் அமைவதுடன், காலை நேரத்தில் கிருத்திகை நட்சத்திரமும் இருப்பதால், அந்த நாளில் விரதம் இருந்து முருகப்பெருமானை வழிபடுவது மிகவும் சிறப்பானதாக பக்தர்கள் கருதுகின்றனர்.
ஆடிக்கிருத்திகை என்பது முருகப்பெருமானின் அருளைப் பெறுவதற்கான சிறப்புமிக்க நாளாகும். விரதம், நாமஜபம், திருப்புகழ் பாராயணம், ஆலய தரிசனம் என அவரவர் வசதிக்கேற்ப பக்தியுடன் வழிபட்டு, முருகப்பெருமானின் அருளைப் பெறலாம்.ஆடிக்கிருத்திகை விரதம்: முருகப் பெருமானை இப்படி வழிபட்டால் கிடைக்கும் அற்புத பலன்கள்!
முருகப் பெருமானை வழிபடுவதற்கு நாள், திதி, நட்சத்திரம் என மூன்று வகையான வழிபாடுகள் மிகவும் சிறப்புடையதாகக் கருதப்படுகின்றன. நாள்களில் செவ்வாய்க்கிழமை முருகனுக்கு உகந்தது. திதிகளில் சஷ்டி முக்கியமானது. வளர்பிறை அல்லது தேய்பிறை என எதுவாக இருந்தாலும், சஷ்டி திதியில் முருகப்பெருமானை வழிபடுவது சிறப்பான பலன்களைத் தரும் என்பது நம்பிக்கை.
அதேபோல் நட்சத்திரங்களில் முருகப்பெருமானின் அவதார நட்சத்திரமாக விசாகம் போற்றப்படுகிறது. வைகாசி மாதத்தில் வரும் விசாக நட்சத்திரம் மிகவும் விமரிசையாகக் கொண்டாடப்படுகிறது. இருப்பினும் முருக வழிபாட்டில் கிருத்திகை நட்சத்திரத்திற்கும் தனிச்சிறப்பு உண்டு.
மாதந்தோறும் கிருத்திகை விரதம்
ஒவ்வொரு மாதமும் கிருத்திகை நட்சத்திரத்தன்று விரதம் இருந்து முருகப்பெருமானை வழிபட்டால் தீராத வினைகள் தீரும் என்பது ஐதிகம். அதிலும் ஆடி மாதத்தில் வரும் கிருத்திகை நட்சத்திரம் மிகவும் விசேஷமானதாகக் கருதப்படுகிறது.
ஆடிக்கிருத்திகை நாளில் விரதம் இருந்து முருகப்பெருமானை வழிபடுவதால், ஆண்டு முழுவதும் கிருத்திகை விரதம் இருந்து வழிபட்ட பலன் கிடைக்கும் என்றும், தொடர்ந்து 12 ஆண்டுகள் இந்த வழிபாட்டை மேற்கொண்டு வந்தால் முருகப்பெருமானின் அருளும் தரிசனமும் கிடைக்கும் என்றும் பக்தர்கள் நம்புகின்றனர்.
விரதம் என்றால் உணவைத் தவிர்ப்பது மட்டுமல்ல!
பொதுவாக விரதம் என்றால் நாள் முழுவதும் உணவு உண்ணாமல் இருப்பது என்று பலரும் நினைக்கின்றனர். ஆனால் விரதத்தின் உண்மையான நோக்கம் இறைவனை மனதில் நிறுத்தி, அவருடைய திருநாமத்தை நினைத்து வழிபடுவதுமாகும்.
ஆடிக்கிருத்திகை நாளில் நாள் முழுவதும் முருகப்பெருமானை நினைத்து, அவருக்குரிய மந்திரங்கள், தோத்திரங்கள் மற்றும் நாமஜபங்களைச் செய்வது சிறப்பானதாகக் கருதப்படுகிறது. குறிப்பாக திருப்புகழ், வேல்மாறல், கந்த சஷ்டி கவசம் போன்றவற்றைப் பாராயணம் செய்து வழிபடலாம்.
உண்ணா நோன்பு இருக்க இயலாதவர்கள்கூட முருகப்பெருமானின் நாமத்தை ஜபித்தும், தோத்திரங்களைப் பாராயணம் செய்தும் வழிபடலாம். பக்தியுடன் செய்யப்படும் இந்த வழிபாடும் சிறப்பானதாகக் கருதப்படுகிறது.
கிருத்திகை நட்சத்திரத்தின் சிறப்பு
கிருத்திகை நட்சத்திரம் சூரிய பகவானின் ஆளுகைக்கு உரிய நட்சத்திரமாகக் கருதப்படுகிறது. எனவே கிருத்திகை நட்சத்திர நாளில் முருகப்பெருமானை வழிபடுவதன் மூலம் சூரிய பகவானின் அருளையும் பெறலாம் என்பது நம்பிக்கை.
சூரிய பகவான் ஆத்ம காரகனாகக் குறிப்பிடப்படுவதால், உடல் மற்றும் உள்ளம் நலமுடன் இருக்க கிருத்திகை விரத வழிபாடு உதவும் என்றும் பக்தர்கள் நம்புகின்றனர்.
நவகிரகங்களில் செவ்வாய் பகவானுக்குரிய தெய்வமாக முருகப்பெருமான் போற்றப்படுகிறார். இதனால் கிருத்திகை நட்சத்திர நாளில் முருகனை வழிபட்டால் உடல்நலம், திருமண யோகம், தொழில் மற்றும் வாழ்க்கை முன்னேற்றம் போன்ற பல்வேறு நன்மைகள் கிடைக்கும் என்பது ஐதிகம்.
ஆடிக்கிருத்திகையில் ஆலய தரிசனம்
ஆடிக்கிருத்திகை நாளில் முருகப்பெருமானின் ஆலயங்கள் பக்தர்களால் நிறைந்து காணப்படும். பல்வேறு ஆலயங்களில் பால்குடம், காவடி உள்ளிட்ட நேர்த்திக்கடன்களை பக்தர்கள் செலுத்தி முருகப்பெருமானை வழிபடுவார்கள்.
எனவே இந்த புனித நாளில் அருகிலுள்ள முருகன் ஆலயத்திற்குச் சென்று தரிசனம் செய்வது மிகவும் சிறப்பானதாகக் கருதப்படுகிறது.
காலையில் எழுந்து நீராடி, முருகப்பெருமானை மனதில் நிறுத்தி வழிபாட்டைத் தொடங்கலாம். உடல்நிலை மற்றும் வயதுக்கு ஏற்ப விரதத்தை மேற்கொள்ளலாம். முழுமையாக உண்ணாமல் இருக்க இயலாதவர்கள் ஒருவேளை உணவு எடுத்துக்கொண்டு, நாள் முழுவதும் முருகப்பெருமானை நினைத்து வழிபடலாம்.
குழந்தைகள், முதியவர்கள் மற்றும் கர்ப்பிணிகள் உள்ளிட்டோர் தங்களுடைய உடல்நிலைக்கு ஏற்ப உணவு எடுத்துக்கொண்டு வழிபடுவது அவசியம்.
வீட்டிலேயே செய்யக்கூடிய ஆடிக்கிருத்திகை வழிபாடு
வீட்டில் முருகப்பெருமானை வழிபட விரும்புபவர்கள், முருகப்பெருமானின் படம் அல்லது விக்கிரகத்திற்கு மலர் மாலை அணிவித்து பூஜை செய்யலாம்.
அப்போது முருகப்பெருமானுக்குரிய சடாட்சர மந்திரமான “சரவணபவ” என்ற மந்திரத்தை பக்தியுடன் ஜபிக்கலாம்.
அர்ச்சனைக்கு உகந்த மலர்கள்:
மல்லிகை, சிவப்பு நிற மலர்கள், தாமரை உள்ளிட்ட மலர்களைச் சமர்ப்பிக்கலாம்.
நிவேதனம்:
வீட்டில் சமைக்கப்படும் உணவையே நிவேதனமாகப் படைக்கலாம். அவல் பாயசம் செய்து முருகப்பெருமானுக்கு நிவேதனம் செய்வதும் சிறப்பாகக் கருதப்படுகிறது.
ஆடிக்கிருத்திகை 2026 – ஆகஸ்ட் 6 அல்லது 7?
இந்த ஆண்டு ஆடிக்கிருத்திகை எப்போது என்ற கேள்வி பலரிடமும் உள்ளது. சில நாள்காட்டிகளில் ஆகஸ்ட் 6-ம் தேதி ஆடிக்கிருத்திகை என்று குறிப்பிடப்பட்டுள்ள நிலையில், சில இடங்களில் ஆகஸ்ட் 7-ம் தேதி ஆடிக்கிருத்திகை எனக் குறிப்பிடப்பட்டுள்ளது. இதனால் பக்தர்களிடையே குழப்பம் ஏற்பட்டுள்ளது.
பஞ்சாங்கக் கணக்கின்படி, ஆகஸ்ட் 6-ம் தேதி மாலை 6.19 மணிக்கு கிருத்திகை நட்சத்திரம் தொடங்கி, ஆகஸ்ட் 7-ம் தேதி மாலை 4.15 மணி வரை நீடிக்கிறது. எனவே இந்தக் காலகட்டத்தில் கிருத்திகை நட்சத்திரம் இருப்பதால், இரண்டு தினங்களிலும் வழிபாடு மேற்கொள்ளும் வாய்ப்பு உள்ளது.
குறிப்பாக ஆகஸ்ட் 7-ம் தேதி ஆடி வெள்ளிக்கிழமையாகவும் அமைவதுடன், காலை நேரத்தில் கிருத்திகை நட்சத்திரமும் இருப்பதால், அந்த நாளில் விரதம் இருந்து முருகப்பெருமானை வழிபடுவது மிகவும் சிறப்பானதாக பக்தர்கள் கருதுகின்றனர்.
ஆடிக்கிருத்திகை என்பது முருகப்பெருமானின் அருளைப் பெறுவதற்கான சிறப்புமிக்க நாளாகும். விரதம், நாமஜபம், திருப்புகழ் பாராயணம், ஆலய தரிசனம் என அவரவர் வசதிக்கேற்ப பக்தியுடன் வழிபட்டு, முருகப்பெருமானின் அருளைப் பெறலாம்.